Syllabics script: Ojibway

Scripts: Adlam • Cherokee • Cyrillic • Latin • Osage • Syllabics • Thai • Tifinagh • Wancho

Misc: CLDR data

© 2024-2025 Typotheque. All rights reserved.

Names:

Common name: Ojibway
Native name: ᐊᓂᐦᔑᓈᐯᒧᐎᣙ (Anishinaabemowin)

Quick facts:

ISO 639 codes: oji

Fonts:

NovemberSyLTest-Regular.woff2
System

Letters (127):

Sample texts:

ᑭᓂᑲᐎᔥᑲᐊᑲᒃ ᑭᑯᔾ ᒥᑕᑲᒥᑯᓐᒃ ᓂᐱᓐᒃ ᑲᔦ ᐃᔑᓭ ᑭ ᐌᐱᓂᑲᑌᒃ ᐃᐃ ᔓᓂᔭᐗᐳ᙮ ᒣᑾ ᑭ ᐅᔑᒋᑲᑌᒃ ᑫᑯᓐ ᑕᐱᔥᑯ ᑭ ᐱᐗᐱᑯᑫᓇᓂᐗᓐᒃ ᒪᑭᔕ ᑲᔦ ᑭ ᒪᓯᓇᐃᑭᓄᑫᓇᓂᐗᓐᒃ ᐸᑎᓋᔭᒃ ᑫᑯᓇᓐ ᐅᑕᐸᒋᑐᓇᐗ ᐌᒥᒋᑯᔑᐗᒃ ᑭ ᐅᔑᑐᐗᑦ ᑫᑯᓐ᙮ ᐸᑎᐧᓇᔭᒃ ᑎᓄᑲᓇᓐ ᐱᒋᐳᐗᐳᓐ ᐅᑕᐸᒋᑐᓇᐗ᙮ ᓂᐱᐗ ᑕᔥ ᑫᑯᓐ ᐅᐌᐱᓇᓇᐗ ᑭ ᐃᔑᒋᑫᐗᑦ᙮ ᐊᒥ ᑕᔥ ᐃᒪ ᓂᐱᓐᒃ ᒥᑕᑲᒥᑯᓐᒃ ᑲᔦ ᐁᔑ ᐌᐱᓇᒧᐗᑦ ᐊᓄᒋᑯ ᑫᑯᓐ᙮ ᓂᓐᑯᒋ ᐱᑯ ᓂᐧᓴᒃ ᑕᔀᒃ ᒥᓂᑯᒃ ᑎᐸᐱᔥᑯᒋᑲᓐ ᑭ ᐌᐱᓂᑲᑌ ᐃᐃ ᔓᓂᔭᐗᐳ ᑲ ᐃᒋᑲᑌᒃ 1969 ᑭ ᐃᔑᓭᒃ᙮ ᓂᔡᔭᑲᓐ ᐃᑕᔥ ᐃᐃ ᑎᓄᑲᓐ ᔓᓂᔭᐗᐳ᙮ ᐯᔑᒃ ᐃᐃ ᑎᓄᑲᓐ ᓂᑕ ᐊᐸᒋᒋᑲᑌ ᒪᔥᑯᓯᓐᒃ ᒋ ᐅᓐᒋ ᐗᓇᑕᓯᓄᑭᓐ ᐃᓂ ᒪᔥᑯᓯᐗᓐ᙮ ᔕᑯᒡ ᐱᒋᐳᓇᓂᐗᓐ ᑭᔥᐱᓐ ᐊᐎᔭ ᒥᒋᑦ ᐃᓂ ᓂᐧᔕᔭᒃ ᔓᓂᔭᐗᐳᓐ᙮ ᑲ ᐃᔑ ᓂᔑᑭᓐ ᐱᑯ ᐱᒋᐳᐌᒪᑲᓄᓐ᙮ ᑭᔥᐱᓐ ᑲᐯᔭᐃ ᒥᒋᑦ ᐃᐌ ᓂᑕᒻ ᔓᓂᔭᐗᐳ ᓇᓂᔑᑲᒡ ᐱᑯ ᐊᑯᓯ, ᑭᒧᒡ ᐃᑯ ᐊᑯᓯ᙮ ᓂᑕᒻ ᑭ ᐌᐱᓂᑲᑌᒃ ᐃᐃ ᔓᓂᔭᐗᐳ ᓂᐱᓐᒃ ᑲᐎᓐ ᓂᑕᒻ ᐊᐱᒋ ᓇᓂᓴᓀᓐᑕᑯᓯᓄᓐ᙮ ᐸᒪ ᑕᔥ ᑭᑯᔭᒃ ᑭ ᒥᒋᐗᑦ ᐃᐃ ᔓᓂᔭᐗᐳ, ᐊᒥ ᐃᒪ ᑭᑯᔨᓐᒃ ᐁᔑ ᐊᓂ ᒪᔥᑲᐗᒃ ᐃᐌ ᔓᓂᔭᐗᐳ᙮ ᐊᒥ ᐃᒪ ᑭ ᑭᓂᑲᐎᔥᑲᐊᑲᒃ ᐱᓐᒋ ᑭᑯᔨᓐᒃ ᐁᔑ ᐊᓂ ᓇᓂᓴᓇᑕᒃ ᐃᐃ ᔓᓂᔭᐗᐳ ᓇᐗᒡ ᐁ ᓱᓐᑲᒃ ᒋ ᓂᔑᐌᒪᑲᒃ᙮ ᐱᓂᔥ ᑕᔥ ᑭᔥᐱᓐ ᐊᓂᔑᓇᐯ ᐊᒶᑎᓐ ᐃᓂ ᑭᑯᔭᓐ, ᐊᒥ ᑫᐎᓐ ᐁᔑ ᐊᓂ ᒪᐗᒋᑐᑦ ᐃᒪ ᐎᔭᐎᓐᒃ᙮ ᑲᐎᓐ ᑲᔦ ᑫᑯᓐ ᐊᐳᑯᓯᓄᓐ ᐃᐌ ᔓᓂᔭᐗᐳ᙮ ᑲᐎᓐ ᑭᑫᓐᒋᑲᑌᓯᓄᓐ ᑭᔥᐱᓐ ᑭᑯᔨᓐᒃ ᐁᑌᑴᓐ ᐃᐌ ᔓᓂᔭᐗᐳ᙮ ᑭᔥᐱᓐ ᑕᔥ ᑲᐯᔭᐃ ᐊᒶᑲᓂᐎᑦ ᐊᐊ ᑲ ᐱᒋᐳᐎᑦ ᑭᑯᔾ ᐊᒥ ᐱᓂᔥ ᐁᔑ ᐊᓂ ᐸᑎᓇᑕᒃ ᐃᐃ ᐱᒋᐳᐎᓐ, ᐃᐃ ᔓᓂᔭᐗᐳ, ᐊᒪ ᐎᔭᐎᒪᓐᒃ, ᐃᒪ ᑲᔦ ᐎᔭᐎᒪᓐᒃ, ᒣᒥᓐᑕᑫ ᐱᑯ ᐅᑌᐃᒪᓐᒃ, ᐅᓇᑭᔑᒪᓐᒃ, ᐅᑯᓂᒪᓐᒃ, ᐅᑌᑎᑯᓯᐎᒪᓐᒃ, ᐎᓂᓐᑎᐱᒪᓐᒃ ᐃᑕᔥ ᑲᔦ᙮ ᑲᐎᓐ ᐊᐱᒋ ᑾᔭᒃ ᑭᑫᓐᒋᑲᑌᓯᓄᓐ ᑭᔥᐱᓐ ᐁᑕ ᐅᑌᑎᑯᓯᐎᒪ, ᔑᑭᐎᓐ ᐃᑕᔥ ᑲᔦ, ᐊᓐᑐ ᑭᑯᓐᒋᑲᑌᒃ᙮ ᑭᔥᐱᓐ ᑕᔥ ᐎᓐ ᐅᑯᓐ ᐎᓂᓯᓯᒪ, ᔭᐃ ᑕᔥ ᒥᔅᑴ ᐊᓐᑐ ᑭᑯᓐᒋᑲᑌᒃ, ᓇᐗᒡ ᐸᐯᓇᒃ ᐃᔑᓭᒪᑲᓐ ᑫᑯᓐ ᒋ ᒥᑭᑲᑌᑭᐸᓐ᙮

Sources:

https://en.wikipedia.org/wiki/Ojibwe_language